Inicio  República Bolivariana de Venezuela Den koperashon ku PAHO Gobiernu di Boneiru ta organisá workshop pa yega na un plan integral pa kombatí dengue
|
|
Den koperashon ku PAHO Gobiernu di Boneiru ta organisá workshop pa yega na un plan integral pa kombatí dengue
|
|
|
|
|
 Kralendijk Sept 24, 2011 – Relashona ku e bishita di PAHO na Boneiru dos siman pasa, resientemente a tuma lugá un tayer di tres dia riba e tópiko Prevenshon di dengue na Bonaire.
E tayer tabata na enkargo di Sra. Olivia Brathwaite, MSc., un konsultant rekomendá dor di Panamerican Health Organization ( PAHO) pa duna asistensia tékniko.
Meta di e tayer tabata pa analisa i pa yega na un plan integral di intervenshon, vigilansia i kontròl riba dengue ku kolaborashon di tur e aktornan núkleo envolví. E plan nobo aki ( 2011-2015) mester kontené prioridatnan ku mester wòrdu ehekutá riba termino korto, riba un termino medio largu I termino largu.
Durante di e tayer aki a hasi un análisis pa haña un bista di e situashon na Boneiru riba tereno di prevenshon di dengue. A hasi un iventarisashon pa haña un bista di loke e diferente aktornan ta mira komo punto di atenshon, nesesidat I prioridat pa Boneiru. Ademas, Sra. Olivia Brathwaite ku kolaborashon di tur e aktornan envolví a hasi análisis riba efektividat di e sistema di intervenshon implementá durante e último 2 añanan na Boneiru, teniendo kuenta tambe ku e resultadonan di e evaluashon ku a wordu hasí anteriormente pa servisio di Salubridat I higiena.
Pa finalisá e enkuentronan djabierne atardi Diputado enkargá ku salubridat públiko, sra Miralva Cicilia, MBA I su konsehero, a risibí un delegashon ku tabata konsistí di Sra. Olivia Brathwaite, hefe interino di Servisio di Salubridat I higiena, hefe di servisio di higiena, funshonario di DGH enkargá ku prevenshon di malesanan infeksióso I e manager di transishon di e direktorado komunidat I kuido pa un briefing, kaminda ku rekomendashon nan a wordu hasí riba tereno di intervenshon, vigilansia i kontròl riba dengue pa termino korto, termino medio largu I termino largu.
E diferente aktornan ku tabata presente riba e tres dianan di e tayer a risibi un sertífikado.
Por mira bèk riba tres dia di trabou intensivo i fruktífero. Dentro di poko lo kuminsa ku implementashon di e rekomendashon nan hasí.
|
|
|
|
